Vesti.az-ın TASS-a istinadən verdiyi məlumata görə, bu barədə Rusiya Federasiyası Xarici İşlər Nazirliyinin bəyanatında deyilir.

Rusiya Xarici İşlər Nazirliyində qeyd ediblər ki, siyahıya Avropa institutlarının, Aİ üzvü olan dövlətlərin, həmçinin bir sıra digər Avropa ölkələrinin nümayəndələri daxil edilib. Söhbət Ukraynaya hərbi yardım göstərilməsi ilə bağlı qərarların qəbulunda iştirak edən şəxslərdən, habelə Moskvanın versiyasına görə fəaliyyəti Rusiyanın ərazi bütövlüyünə qarşı yönəlmiş şəxslərdən gedir.

Bundan əlavə, məhdudiyyətlər Rusiya tərəfinin anti-Rusiya sanksiyalarının tətbiqinə, üçüncü ölkələrlə münasibətlərin pisləşməsinə və dəniz gəmiçiliyinə maneələrin yaradılmasına cavabdeh hesab etdiyi şəxslərə də şamil edilib. Siyahıya həmçinin, iddia edildiyi kimi, Rusiya vəzifəli şəxslərinin təqibində, Rusiya rəhbərliyinə qarşı «tribunal» yaradılması təşəbbüslərində və Rusiya dövlət aktivlərinin müsadirə edilməsi və ya onlardan əldə edilən gəlirlərin istifadəsi təkliflərində iştirak edən şəxslər də daxil edilib.

Rusiya XİN əlavə edib ki, tədbirlər mülki fəallara, akademik ictimaiyyətin nümayəndələrinə, habelə Aİ ölkələrinin milli parlamentlərinin və Avropa Parlamentinin anti-Rusiya qətnamələrini və qanun layihələrini dəstəkləyən deputatlarına da şamil edilib.