Bu barədə Report AMB-yə istinadən məlumat yayıb. Mərkəzi Bankda AYB-nin Mərkəzi Asiya, Qafqaz və Türkiyə üzrə maliyyə institutları departamentinin direktoru Georgi Orlovun rəhbərlik etdiyi nümayəndə heyəti ilə görüş keçirilib.

Görüş çərçivəsində maliyyə sabitliyi, AYB-nin Azərbaycandakı əməliyyatları və həyata keçirilən layihələrin cari vəziyyəti, maliyyə nəzarəti və tənzimləyici çərçivələrin təkmilləşdirilməsi istiqamətləri kimi aktual məsələlər müzakirə olunub.

Görüş zamanı tərəflər maliyyə bazarlarının inkişafı üzrə birgə təşəbbüsləri, həmçinin AYB-nin Azərbaycan Mərkəzi Bankına texniki yardım göstərmək imkanlarını müzakirə ediblər.