Bakı Metropolitenindən Report-un sorğusuna cavab olaraq bildirilib ki, stansiya 1981–1987-ci illərdə mürəkkəb mühəndis-geoloji və hidrogeoloji şəraitdə tikilib.

Metropolitendə qeyd edilib ki, sonrakı illərdə hidrogeoloji vəziyyətin dəyişməsi, habelə yeraltı suların təsiri stansiya infrastrukturunda müəyyən aşınmaya səbəb olub.

Eyni zamanda vurğulanıb ki, obyekt daimi nəzarət altındadır, mütəmadi olaraq texniki baxış və xidmət işləri aparılır.

“Yeraltı suların və yağıntıların stansiyaya təsiri nəzarət altındadır, təhlükəsiz istismar tam təmin olunub”, – deyə metropolitendə qeyd ediblər.