Azərbaycan Dövlət Neft Şirkəti (SOCAR) və Ukraynanın «Ukrnafta» şirkəti enerji əməkdaşlığının hazırkı vəziyyətini və inkişaf perspektivlərini müzakirə edib, Vesti.az SOCAR-a istinadən xəbər verir.

Müzakirələr SOCAR-ın Bakıdakı ofisində SOCAR-ın prezidenti Rövşən Nəcəf və Ukrnaftanın baş direktoru Sergey Koretskinin görüşü zamanı keçirilib.

Görüş iştirakçıları Azərbaycan və Ukrayna arasında enerji sektorunda əməkdaşlığın inkişafından məmnunluq ifadə edib və SOCAR-ın Ukraynada bu istiqamətdə uğurlu fəaliyyətini qeyd ediblər.