Report-un məlumatına görə, bu barədə RBN-Ukrayna Ukrayna Cənub-Qərb Dairəsi Dövlət Ekoloji Müfəttişliyinin mətbuat xidmətinə istinadən xəbər verir.

"26 aprel 2026-cı ildə Çernomorsk şəhərinin atəşə tutulması nəticəsində "Çernomorsk" dəniz ticarət limanının infrastrukturu zədələnib. Yanğın zamanı 6 min ton tutumu olan günəbaxan yağı çəni dağılıb", - deyə ekoloji müfəttişlikdə qeyd ediblər.

Müfəttişliyin məlumatına görə, suyun səthində təxmini ölçüsü 400 metrə 200 metr olan ləkə əmələ gəlib. Onun lokallaşdırılması üçün bonal maneələr qurulub.

Çirklənmə səviyyəsini müəyyən etmək və dəymiş ziyanı hesablamaq üçün laboratoriya analizləri üçün dəniz suyu nümunələri götürülüb.

Xatırladaq ki, Rusiya qoşunları aprelin 26-na keçən gecə Odessa vilayətinə zərbə PUA-ları ilə hücum edib. Hücum nəticəsində liman və logistika infrastrukturu obyektləri, anbar binaları, texniki avadanlıq, yük anbarları, inzibati binalar, həmçinin yük nəqliyyatı zədələnib.